«Astana Balet» teatry halyqaralyq festıvalde kúmis júldege ıe boldy
ASTANA. KAZINFORM — Cheonan World Dance Festival 2025 halyqaralyq festıvali Ońtústik Koreıadaǵy Chhonan qalasynda ótti, dep jazdy QR Mádenıet jáne aqparat mınıstrliginiń baspasóz qyzmeti.
Bes kúnge sozylǵan sharaǵa álemniń túkpir-túkpirinen 4000-nan astam bıshi jınaldy. Olar túrli memleketterdiń mádenıetin tanystyryp, kórermenge erekshe áser syılady.
Álemdik sahna tórinde qazaq bı óneriniń jaýharyna aınalǵan, Qazaqstannyń eńbek sińirgen ártisi Aıgúl Tátıdiń horeografııasyna qoıylǵan «Uly Dala murasy» ulttyq kontserttik baǵdarlamasy usynyldy.
«Astana Balet» teatrynyń álemdik sahnada óner kórsetýi qazaq mádenıetiniń ǵasyrlar boıǵy murasyn kópshilikke nasıhattaýǵa múmkindik beredi.
Buǵan deıin teatrdyń Ońtústik Koreıadaǵy halyqaralyq festıvalge qatysyp, el namasyn qorǵaıtyny týraly jazǵanbyz.