«Astana Balet» Tashkentte umytylmas kontsert ótkizip, ózbek halqynyń alǵysyn arqalap qaıtty
NUR-SULTAN. QazAqparat – Jaqynda Álisher Naýaı atyndaǵy Ózbekstannyń Úlken teatrynda «Astana Balet» teatry aýqymdy kontsert ótkizip, kórermenniń qurmet-qoshemetine bólenip qaıtty. Áıgili balet Arıf Melıkovtiń «Mahabbat jaıly ańyzy» Tashkent halqyn erekshe tamsandyryp, teatr ujymy zalǵa lyq tolǵan halyqtyń alǵysyn arqalap keldi, dep habarlaıdy QazAqparat tilshisi.
«Astana Balet» teatry eýropalyq, kerek deseńiz álemdik deńgeıge ótip ketken. Búgin biz naǵyz balet qoıylymyn tamashaladyq. Birinshi kezekte meni kordebalet tań qaldyrdy. Onda barlyǵy da - ósim men energetıka keremet úılesken. Men Maııa Plısetskaıa bılegen Mehmene Monany eske alamyn. Sizderdiń ártisterińiz óte joǵary deńgeıde óner kórsetedi dep esepteımin», – dedi mýzykatanýshy, Ózbekstannyń eńbek sińirgen mádenıet qyzmetkeri Innessa Gúlzarova.
«Mahabbat týraly ańyz» - áıgili horeograf ıÝrıı Grıgorovıchtiń alǵashqy spektaklderiniń biri. Bul qoıylymda balet ónerin buryn-sońdy bolmaǵan bıiktikke kótergen tórt minsiz komponent bar. Lıbretto negizinde dramatýrg Nazym Hıkmettiń fılosofııalyq pesasy jatyr. Al, erek stsenografııany Sımon Vırsaladze jazyp shyqqan.
Al Tashkent memlekettik joǵary ulttyq bı men horeografııa mektebiniń rektory Shýhrat Týhtasımovtyń aıtýynsha, kez kelgen balettik trýppa mundaı spektakldy baǵyndyra bermeıtinin aıtady.
«Búgin «Astana Balet» teatrynda óner kórsetetin ártisterdiń keremet qadamyn kórip otyrmyz. Trýppa 100 paıyz horeografııamen aınalysady. Óıtkeni ol Qazaqstannan keledi, spektakldiń Shyǵysqa tán boıaýyn bere alady», - deıdi ol.
Sıýjet kóne shyǵys ańyzynan alynǵan. Apaly-sińlili Mehmene Baný men Shyryn Ferhad atty bir sýretshige ǵashyq bolyp qalady. Shyryn ádemi jigittiń júregin birden jaýlap alady da, Mehmene Baný sezim sergeldeńine túsedi: sebebi, bir kezderi ol ápkesiniń ómirin qutqarý úshin óziniń sulýlyǵyn qurban etken-tin. Ǵashyqtar saraıynan qashyp ketkenderdi aýyr synaq kútip tur edi. Alaıda Ferhad halyqty qutqarý úshin óziniń mahabbatyn qurban etedi.
ıÝrıı Grıgorovıchtiń horeografııasynda oıdyń keremet kúshi, boıaýlardyń kóp qabattylyǵymen ushtasqan tildiń bir maǵynaly aıshyǵy bar. Spektakl kórermendi bir demde ózine tartyp alyp, kópshilik ártisterdiń ár qımylyna kóńil bólip otyrdy.
«Astana Balet» tamasha áser qaldyrdy. Barlyq dramalyq jeli keremet ashylǵan. Solısterge tózimdiligi úshin erekshe rahmet aıtyp qoıalyq, óıtkeni Grıgorovıchtiń horeografııasy erekshe aýyr. Farhad óte batyl. Meniń oıymsha, barlyq áıeldiń júregin jaýlaǵan sekildi. Biz kelgenimizge óte qýanyshtymyz, ártisterińiz keremet shabyttandyrdy», - dedi Álisher Naýaı atyndaǵy Ózbekstannyń Úlken teatry jetekshi solısti Nadıra Hamraeva.
