Astana balabaqshalarynda tárbıeshilerdiń tek 6 paıyzynda arnaıy bilimi bar (FOTO)
ASTANA. QazAqparat - Astana balabaqshalaryndaǵy tárbıeshilerdiń tek 6 paıyzynda arnaıy bilimi bar. Búgin elordadaǵy Tamyz keńesinde qalalyq bilim basqarmasynyń basshysy Elmıra Sýhanberdıeva osylaı aıtty.
«Mektepke deıingi bilim berý salasynda tárbıeshilerdiń tapshylyǵy ózekti bolyp otyr. Bul negizinen tárbıeshi kategorııasy joq jas mamandardyń kelýine baılanysty. Mektepke deıin uıymdardyń jalpy kóleminde mektepke deıingi arnaıy joǵary bilimi bar pedagogtardyń úlesi 6 paıyzdy qurap otyr», - dedi ol.
Onyń sózine qaraǵanda, Astanada jalǵyz gýmanıtarlyq kolledj ǵana mektepke deıingi bilim boıynsha mamandardy daıarlaıdy. Olar jylyna orta bilimmen 50-den astam mamandy oqytyp shyǵarady.
Osyǵan baılanysty basqarma basshysy QR Bilim jáne ǵylym mınıstri Aslan Sárinjipovke osy mamandyq boıynsha elimizdiń túlekteri úshin jumys oryndaryn úlesteý (kvotalaý) múmkindigin qarastyrýdy usyndy.
