Astana balabaqshalarynda pedagogterdiń 24,5 paıyzynyń beıindik bilimi joq
Bul týraly ol óńirlik kommýnıkatsııalar qyzmetinde ótken brıfıngide aıtty.
«Búgingi tańda 1 men 6 jas aralyǵyndaǵy 58 129 balany tárbıelep otyrǵan 433 mektepke deıingi bilim berý uıymy jumys istep tur. Onyń jelisin keńeıtý úshin qala ákimdigi 185 balabaqshaǵa arnalǵan jer ýchaskesin belgiledi. 2029 jylǵa deıingi jospar boıynsha balabaqshadaǵy oryndardy ulǵaıtý úshin jeke menshik mektepke deıingi uıymdarǵa 38 740 orynǵa memlekettik tapsyrys jarııalanady. Sonymen qatar turǵyn úı keshenderiniń birinshi qabatynda qadamdyq qoljetimdilik qaǵıdaty boıynsha balabaqshalar jelisi ashylady», - dedi ol.
Sondaı-aq, istep júrgen qyzmetine beıindik bilimi saı pedagogterdiń sanyn qysqartý baǵytynda jasalyp jatqan jumystarǵa toqtaldy.
«Búgingi kúnde mektepke deıingi uıymdarda 5 800 pedagog jumys isteıdi. Onyń ishinde 24,5 paıyz tárbıeshiniń beıindik bilimi joq. Bul kórsetkish ótken jylmen salystyrǵanda 6,5 paıyz tómendedi. Atalǵan máseleni sheshý úshin pedagogter biliktilik arttyrý kýrsynan ótip jatyr», - dedi Qasymhan Senǵazyev.
