Astana Azııadaǵy týrızm qalasy mártebesine úmitker
ASTANA. 18 jeltoqsan. QazAqparat - QR Indýstrııa jáne jańa tehnologııalar mınıstrliginiń Týrızm ındýstrııasy komıtetiniń tóraǵasy Marat Igalıev Bahreınniń Manıla qalasynda ótken 12-shi Azııalyq dıalog kezdesýine qatysty. Bul týraly atalmysh komıtettiń baspasóz qyzmeti habarlady.
Іs-shara barysynda «Azııalyq týrızmdi damytý tujyrymdamasy» qabyldandy. Tujyrymdamanyń negizgi bólimi Azııadaǵy týrızm qalasyn tańdaýǵa arnalyp otyr.
Azııadaǵy týrızm qalasy dárejesin qaı qalaǵa berý kerektigin ár elder bir jyl buryn talqylaıtyn bolady. Azııanyń 30-dan astam qalalary ishinen tańdalǵan shahar belsendi túrde jarnamalanyp, týrızm salasynda alǵa jyljytylatyn bolady.
2014 jylǵy Azııadaǵy týrızm qalasy bolyp Bahreın astanasy Manıla qalasy tańdaldy.
Qazaqstan Respýblıkasynyń Indýstrııa jáne jańa tehnologııalar mınıstrliginiń Týrızm ındýstrııasy komıtetiniń tóraǵasy Marat Igalıev bolashaqta Qazaqstan astanasy da Azııadaǵy týrızm qalasy dárejesin alý úshin barlyq kúshin salatynyn málim etti.
