Astana Ázerbaıjan Prezıdentin qarsy alýǵa daıyndalyp jatyr
ASTANA. KAZINFORM – Qazaqstan jáne Ázerbaıjan týlarymen Astananyń basty dańǵyldary, ǵımarattary men kórikti jerleri bezendirildi.
Túngi qalanyń kórinisi beınelengen rolıkti «BORT № 1» Telegram-arnasy jarııalady.
Qasym-Jomart Toqaevtyń shaqyrýymen 20-21 qazan kúnderi Ázerbaıjan Prezıdenti Ilham Álıev Qazaqstanǵa memlekettik saparmen keletinin jazǵan bolatynbyz.
Sapar barysynda joǵary deńgeıdegi kelissózder júrgiziledi. Sonymen qatar prezıdentter Joǵary memleketaralyq keńeske jáne Qazaqstan-Ázerbaıjan bıznes forýmyna qatysady
Ázerbaıjan Prezıdenti Ilham Álıev Qazaqstanǵa memlekettik sapary qarsańynda Kazinform agenttigine bergen eksklıýzıvti suhbatynda eki el arasyndaǵy saıası dıalogtyń joǵary deńgeıi, kólik-logıstıka men munaı-gaz salasyndaǵy yntymaqtastyqtyń qarqyndy damýy, sondaı-aq «jasyl» energetıka salasyndaǵy birlesken jumys pen Túrki memleketteri uıymy aıasyndaǵy bastamalardyń bolashaǵy jaıynda aıtyp berdi.