Astana aınalasyndaǵy orman Býrabaı ulttyq parkiniń kólemimen teńesti - Prezıdent
ASTANA. QazAqparat - Búgin Astananyń jasyl aımaǵyn aralaǵan Memleket basshysy Nursultan Nazarbaev jasyl beldeýdegi orman Býrabaı ulttyq parkiniń kólemimen birdeı bolǵanyn málim etti.
«Orman ósirý ońaı emes. Aǵashty balasha kútip, sýaryp turý kerek. Ásirese, orman ekken alǵashqy jyldar aýyr tıedi. 1997-1998 jyldary salǵan orman qazir ózi kóbeıip, ózi qanat jaıyp jatyr»,-dedi Memleket basshysy.
N.Nazarbaev atap ótkendeı, jasyl aımaq qyzmetkerleri jyl saıyn bes myń gektar jerge tal egip, ony kútip, osyndaı ormanǵa aınaldyryp keledi. On segiz jyl ishinde jasyl beldeýdiń kólemi tabıǵı ormany samsaǵan Býrabaı ulttyq parkiniń kólemimen teńesken eken.
«73 myń gektar orman ektik. Bul Býrabaı ulttyq parkiniń kólemimen birdeı jer», - dedi N.Nazarbaev.
