Astana aınalasyndaǵy orman alqaby 2020 jylǵa qaraı 100 myń gektarǵa deıin ulǵaıady

ASTANA. QazAqparat - Býrabaıda biregeı orman selektsııalyq ortalyǵy jumys istep jatyr. Astana qalasynyń aınalasynda 2020 jylǵa deıin jasyl aımaq alqabyn 100 myń gektarǵa deıin jetkizý josparlanýda, dep habarlady QR AShM baspasóz qyzmeti.

2015 jyly memlekettik orman ıelenýshiler orman jáne orman ósirýdi molyqtyrý jónindegi is-sharalardy 60,2 myń gektar alqapta júrgizgen.
"Astana qalasynyń aınalasynda orman otyrǵyzýdyń jalpy aýmaǵy 1997 -2015 jyldary 75 myń gektardan asty. 2020 jylǵa deıin jasyl aımaq alqabyn 100 myń gektarǵa deıin jetkizý josparlanýda. Aqmola oblysynda ormandy aýmaqtardy ulǵaıtý maqsatynda joǵarǵy tehnologııalyq ınnovatsııalyq kesheni bar biregeı orman selektsııalyq ortalyǵy jumys istep jatyr", - delingen habarlamada. .

Jyl saıyn kásiporyn tuqymbaǵynda 600 myń dana qaraǵaı, 700 myń dana qara sekseýil, 100 myń dana Shrenka shyrshasy, Sıbers almasy men órik kóshetteri ósiriledi.

Ústimizdegi jyly selektsııalyq ortalyq ártúrli aǵash butalardyń túrleriniń 1,9 mıllıon danaǵa jýyǵyn ósirýdi josparlaýda. Sonymen qatar orman ortalyǵynda óndiristik orman bıotehnologııalyq zerttemeleri jumys isteıdi, ázirlemeler qalpyna keltirilgen ósimdikterdiń barlyq negizgi genetıkalyq erekshelikterin saqtaı otyryp vegetatıvtik kóbeıýin jyldamdatýyna yqpal etedi.

Búgingi kúni Tarbaǵataı, Jońǵar Alataýy, Qarataý taralymdary almalarynyń, qaıyńdardyń (Karel, mamyq, jalpaq japyraqty, qara) terek, maıda japyraqty jóke jáne taǵy basqa túrleriniń tuqymy shyǵarylǵan.

Ósirilgen kóshet materıaldary memlekettik orman qory aýmaǵynda, onyń ishinde Astana qalasynyń jasyl aımaǵynda paıdalanylady. Aǵymdaǵy jyly kóshet materıaldarymen «Іle-Alataýy», «Býrabaı», «Kólsaı kólderi» memlekettik ulttyq parkteri, «Jasyl aımaq» RMK qamtamasyz etildi.