Astana aımaqtyq JІÓ úlesinde respýblıka boıynsha úshinshi orynda
ASTANA. 3 mamyr. QazAqparat - Astana qalasy boıynsha aımaqtyq jalpy ishki ónim 2012 jyly 2 717 262,4 mln. teńgege jetti.
Bul týraly astana.kz saıtynan habarlandy.
Qalalyq statıstıka basqarmasynyń málimeti boıynsha, Astananyń aımaqtyq ishki jalpy óniminiń úlesi respýblıka kóleminde 9 paıyzdy quraıdy. Bul Almaty qalasy (18,7%) jáne Atyraý oblysynan (10,3%) keıingi úshinshi oryndaǵy kórsetkish. «Salalyq qurylymdarda aımaqtyq ishki ónimniń óndiristegi úlesi 3,6 paıyz, kólik pen qoıma sharýashylyǵynda - 9,2 paıyz, qurylysta - 10,3 paıyz, jyljymaıtyn múlikterdi rásimdeý - 13,4 paıyz, kóterme jáne bólshek saýda, avtomobılder jóndeý - 25,9 paıyz, basqa da qyzmetter 37,6 paıyzdy qurady», - delingen habarlamada.
Bul rette aımaqtyq jalpy ishki ónim jan basyna shaqqanda elordada 3 573 myń teńgege jetken. Bul respýblıka óńirleri boıynsha úshinshi oryn. Astanadan tek Atyraý oblysy (5 655,4 myń teńge) men Almaty qalasy (3 856,1 myń teńge) ǵana ozyp tur.
