«Astana - áıelder kelbeti» almanahynyń tusaýkeseri ótti
9 bólimnen turatyn týyndy «BG-Print» baspasynda basylyp shyqty.
Tusaýkeser sharasyna QR Parlamenti Májilisiniń depýtattary Ásıma Bımendına, Maıra Aısına jáne belgili bıznesmender, basqa da sala ókilderi qatysty.
«Elordamyzdyń irgesi qalanýyna baryn salǵan áıelder az emes. Biz olardy dáripteýimiz kerek. Men Astananyń damýyna qosqan úlesim elenip otyrǵanyna óte qýanyshtymyn», - dedi QR Parlamenti Májilisiniń depýtaty Ásıma Bımendına.
Kitapta Astananyń kórkeıýine úles qosqan 70 belsendi áıeldiń ómiri jaıly baıandalady.
Almanahtyń shyǵýyna «Selebrite SPA» fıtnes ortalyǵynyń dırektory Dınara Sardarova, «Astana - Telekópir» JShS dırektory Borıs Fıshbah, QR Ulttyq Akademııalyq kitaphanasy bas dırektorynyń orynbasary Janna Shaımuhanbetova qoldaý kórsetti.