Astana aıaldamalarynda jańa karta-syzbalar ornatylady
ASTANA. 24 qańtar. QazAqparat - Taıaý ýaqytta Astana qalasynyń aıaldamalarynda turǵyndar men qonaqtarǵa qala ishinde baǵyt-baǵdar beretin karta-syzbalar ornatylady. Bul týraly Jolaýshylar kóligi jáne avtomobıl joldary basqarmasynan habarlady.
Elordanyń resmı saıtynyń jazýynsha, 1 aqpannan bastap jańa kartalar Astananyń eki úlken ortalyq kósheleri Kenesary kóshesi men Saryarqa dańǵylynan bastap Respýblıka dańǵylyna deıin jáne Respýblıka dańǵylynda Abaı kóshesinen bastap «Samal» shaǵyn aýdanyna deıingi aıaldamalarda ornatylady. Aldaǵy ýaqytta bul baǵyttaǵy jumystar jalǵasady. Basqarmadan habarlanǵanyndaı, jańa kartalardaǵy árbir avtobýs baǵdary túrli túspen belgilenedi.
Bul rette tek belgili baǵytta júretin avtobýs baǵdarlary kórsetiledi. Bul barar jerdi jyldam anyqtap alýǵa kómektesedi. Buǵan qosa, kartalardaǵy barlyq jazýlar memlekettik tilde ǵana jazylady.
