«Astana» avtoshabondoz komandasy halyqaralyq «Dakar-2011» rallı jarysyna tuńǵysh ret qatyspaq
ALMATY. Tamyzdyń 31-i. QazAqparat /Ádilet Musahaev/ - Qazaqstandyq «Astana» avtoshabondoz komandasy halyqaralyq mártebege ıe «Dakar-2011» rallı jarysyna alǵash ret qatyspaq, dep habarlaıdy QazAqparat.
Bizdiń komanda marafonnyń eń kúrdeli belesine bul jarystyń birneshe dúrkin jeńimpazyna aınalǵan KamAZ júk kóligimen qatyspaq.
QR avtomotosport federatsııasy trofı-reıd komıtetiniń tóraǵasy Marat Abyqaev «Astana» komandasynyń aty Aleksandra Vınokýrov pen Alberto Kontodor sııaqty veloshabandozdar arqyly kúlli álemge tanymal bolǵandyǵyn jáne endi kezekte qazaqstandyq sporttyń dúnıe júzilik arenadaǵy dańqynyń odan ári nyǵaıa túsýine daıyn ekendigin jetkizdi.
Komandanyń avtoshabandozdary Artýr Ardavıchýs pen Borıs Berezovskıı halyqaralyq rallıdiń eń joǵarǵy belesinde oıyn kórsetip, jeńimpaz atanǵandaryn, ári tájirıbe jınaqtap aıtýly chempıonatta naǵyz básekelesterdiń qatarynan tabylatyndyqtaryn aıtady.
