Astana avtobýstarynda jolaqyny SMS arqyly tóleýge bolady
ASTANA. QazAqparat - Astanada qoǵamdyq kólik jolaqysyn tóleý úshin kobrendıngtik bank kartalary men SMS-tólem engiziledi, dep habarlaıdy QazAqparat «Astana LRT» baspasóz qyzmetine silteme jasap.
«Jaqyn arada kobrendıngtik kartalardy shyǵaramyz. Osy arqyly jolaýshy eki kartanyń ornyna bir kartamen júrý (qosarly chıp) múmkindigine ıe bolady. Qoldanýshyǵa kólik kartasyn satyp alý mindettelmeıdi. Árbir jolaýshy óz bankine baryp, qosarly karta ala alady», - dep habarlady Astana LRT.
Pılottyq joba aıasynda alǵashqy 3-5 myń karta Eýrazııalyq bankpen birlesip shyǵarylmaq. Aldaǵy ýaqytta basqa bankterde de iske qosý josparlanyp otyr. Odan bólek, jaqyn arada qoǵamdyq kólik paıdalanýshylary kólik kartasyn uıaly telefon arqyly qashyqtan toltyrý múmkindigine ıe bolady.
Beeline jáne Kcell / Activ uıaly baılanys operatorlarynyń abonentteri kólik kartasynyń nómirin jáne qysqa nómirge tólem somasyn kórsete otyryp, balansty toltyra alady. Bul qarajattar telefon balansynan karta balansyna kóshedi.
Sondaı-aq, Beeline pen Kcell / Activ saıttary (www.beemoney.beeline.kz jáne www.mobimoney.kz) arqyly, sonyń ishinde uıaly qosymshalar men portaldardyń mobıldi nusqalary arqyly kólik kartasyn tolyqtyrýǵa bolady.
Qashyqtyqtan toltyrý úshin:
- «Eýrazııalyq bank» AQ ınternet-bankıngi - smartbank.kz;
- «CapitalBank Kazakhstan» AQ ınternet-bankıngi - b1nk.kz;
- «Eýrazııalyq bank» AQ termınaldary qoljetimdi;
