Astana avtobýstarynda jolaqy tólemegen 60 myńnan astam adam anyqtaldy
Kóliktik baqylaý departamentiniń (KBD) qyzmetkerleri bıletsiz jolaýshylardy anyqtaý boıynsha reıdterdi kúnde ótkizedi.
Málim etilgendeı, keıbir azamattar jol júrý aqysyn KBD qyzmetkerleri avtobýsqa kirgen kezde ǵana tóleıdi. Tek ótken aptada (14-21 maýsym) 970 jolaýshy jaýapkershilikke tartyldy. Al bıylǵy 1 qańtardan jol júrý aqysyn tóleýden jaltarýdyń 60 487 faktisi anyqtaldy. Onyń ishinde 6 834 jolaýshyǵa QR Ákimshilik quqyqbuzýshylyq týraly kodekstiń 622-baby 2-bóligimen jalpy somasy 41 mln teńgeden astam somaǵa aıyppul salyndy.
Salystyrý úshin aıta keteıik, 2021 jyly avtobýsta jol júrý aqysyn 222 415 azamat tólemegen. Onyń ishinde 9900 jolaýshy jalpy somasy 57 mln teńgeden astam somaǵa jaýapkershilikke tartyldy.
Sondaı-aq Kóliktik baqylaý departamenti avtobýs júrgizýshileriniń aıaldamalarǵa kirmeý, qozǵalys aralyǵyn saqtamaý, qozǵalys shemasyn ózgertý jáne ózge de máselelerge monıtorıng júrgizedi. Anyqtalǵan barlyq zań buzýshylyq boıynsha KBD qajetti shara qabyldaıdy. Al júıeli buzýshylyqtardy joıý boıynsha avtobýs parkteriniń basshylyǵyna usynymdar beriledi.