Astana avtobýstarynda jol aqysyn tóleýdiń jańa tásili engiziledi
ASTANA. QazAqparat – Elordanyń qoǵamdyq kólikterinde jol aqysyn tóleýdiń jańa tásilderin engizý kezinde barlyq baǵyttaǵy avtobýstarda valıdatorlar aýystyrylady, dep habarlaıdy QazAqparat Astana ákimdiginiń resmı saıtyna silteme jasap.
Olardyń ornalasýy ózgermeıdi – barlyq esikterdiń janynda, qazirgi qoldanystaǵydaı.
Endi QR-kod jáne «Transcard» kólik kartasy arqyly tólem túrlerine qosymsha NFC tehnologııasy jáne Bluetooth arnasy, ekinshi deńgeıdegi bankterdiń kartasymen tóleý múmkindigi bolady.
Tólemderdiń jańa arnalary birte-birte engiziledi.
NFC arqyly tólem jasaý úshin telefondy nemese smart saǵatty tikeleı valıdatorǵa tıgizý kerek bolady. Valıdatordyń qaýipsizdigi dúkenderdegi POS-termınaldardan esh aıyrmashylyǵy joq.
Bluetooth arnasymen tóleý «Avtobys» mobıldi qosymshasy arqyly iske asyrylady. Bul vırtýaldy tólem ádisi mobıldi qosymshadaǵy jeke shottyń balansynan aqy alý arqyly júrgiziledi. «Avtobys» mobıldi qosymshasyn App Store, Google Play, AppGallery júktep alýǵa bolady.
Bank kartasymen tólem Qazaqstannyń barlyq ekinshi deńgeıdegi bankteriniń bank kartalarymen jasalady.
