Astana avtobýstarynda jol aqysy 9 jyldan beri ózgergen joq – depýtat
ASTANA. QazAqparat – Astana qalalyq máslıhatynyń tóraǵasy Erlan Qanalımov qoǵamdyq kólikte júrý aqysyn kóterý týraly suraqtarǵa jaýap berdi, dep habarlaıdy QazAqparat tilshisi.
«Jyl sońyna deıin qoǵamdyq kólikte jol júrý qunyn qymbattatýdy qarastyrmaımyz. Múmkin kelesi jyly qaralatyn shyǵar. Munda 90 teńge jol júrý qunyn 9 jyl boıy saqtap kele jatqanymyzdy túsinýlerińiz kerek. Osy jyldary janar-jaǵarmaı, bólshekter, jabdyqtar qymbattaǵanyna qaramastan qoǵamdyq kólikte jol júrý quny ózgergen joq. Degenmen ázirge bul máseleni qarastyrmaımyz», - dedi Erlan Qanalımov elordalyq kommýnıkatsııa qyzmetinde ótken brıfıngte.
Sonymen birge, depýtat kelesi jyly jol júrý aqysy qymbattaýy múmkin ekenin aıtty.
«Naryqtyq jaǵdaıdy, naryq konıýnktýrasyn, osy salanyń jaı-kúıin eskere otyryp, muny kelesi jyldyń basynda qarastyratyn shyǵarmyz, biraq ázirge jol júrý qunyn arttyrý týraly áńgime joq», - dedi spıker.
Aıta keteıik, Almatyda qoǵamdyq kólikte jol júrý quny 20 teńgege ósti.
«Ońaı» kartasymen nemese QR-kod arqyly tólem jasaǵanda jol júrý aqysy 100 teńge, al qolma-qol tólemde – 150-den 200 teńgege deıin kóteriledi.
