Astana avtobýstarynda jeńildikke ıe bolatyndar sany artty
«Bıyl jergilikti bıýdjet esebinen 3 mlrd teńge bólindi. Ol kelesi maqsattarǵa jumsalady. Endigi ýaqytta kópbalaly jáne az qamtylǵan otbasylardyń oqýshy jáne stýdent balalary qoǵamdyq kólik jeńildigin alatyndar sanatyna engizildi. Osyǵan oraı, qoǵamdyq kólik jeńildigi beriletin qoldanýshylar sanyn 5154-ten 35905-ke arttyrýdy josparlap otyrmyz. Bul degenimiz atalǵan jeńildikti alýshylar sany 7 esege artady degen sóz», - dedi elorda ákimi «Nur Otan» partııasynyń XVIII seziniń qorytyndysy boıynsha qalalyq partııa aktıvimen ótken kezdesýde.
Sondaı-aq, qala basshysy ústimizdegi jyly 31 901 oqýshy tegin tamaqpen qamtamasyz etiletinin aıta kele, bul maqsatqa 970 mln teńge qarastyrylǵanyn jetkizdi.
«Taǵy bir mańyzdy áleýmettik qoldaýdyń biri - mektep oqýshylary úshin saýyqtyrý oryndaryna beriletin kvota sanyn 1 myń orynǵa deıin arttyryp otyrmyz. Sol sııaqty az qamtylǵan jáne kópbalaly otbasydan shyqqan 31901 balany mektep formasy jáne qural-jabdyqtarmen qamtamasyz etý úshin bıýdjetten qosymsha 638 mln teńge qarajat bólindi», - dedi B.Sultanov.
Onyń aıtýynsha, bıyl elordalyqtardyń áleýetin kóterýge 150 mlrd teńge bólindi. Bul, bıýdjet kóleminiń 35% quraıdy. Odan bólek, jergilikti bıýdjet esebinen muqtaj azamattardy qoldaý úshin qosymsha 3 mlrd teńgeden astam qarajat bólý kózdelip otyr.