Astana avtobýstarynda kúnine shamamen 120 «qoıan» jazaǵa tartylady
ASTANA. QazAqparat - «Astana LRT» qalalyq avtobýstardaǵy bıletsiz jolaýshylardy anyqtaý statıstıkasy jóninde baıandady, dep habarlaıdy QazAqparat.
«Jolaqy tóleýden jaltaratyn jolaýshylarmen kúres kún saıyn júrgiziledi. Kóliktik baqylaý departamentiniń menedjerleri men jergilikti polıtsııa qyzmeti kún saıyn shamamen 120 «qoıandy» anyqtaıdy, ákimshilik hattamalar toltyryp, 2 AEK (4 810 teńge) kóleminde aıyppuldar taǵaıyndaıdy», - dep jazdy Astana LRT kompanııasynyń resmı ókili Naýat Azanbaeva áleýmettik jelidegi paraqshasynda.
Onyń aıtýynsha, dıfferentsıaldy tarıf engizilgen soń, maksımaldy jolaýshylar aǵyny 650 000 jol júrýge deıin jetken jáne jolaýshylardyń shamamen 91%-ti kólik kartasy arqyly tólegen.
