Astana avtobýstarynda elektrondy taqta ornatylmaq
ASTANA. QazAqparat - Astanada bolashaqta qalalyq avtobýstarda elektrondy tablo ornatý josparlanyp otyr. Bul týraly elordanyń resmı saıtynda habarlandy.
«Bul mashrýttardyń nómiri men negizgi aıaldamalar kórsetilgen trafaretterden bas tartýǵa múmkindik beredi jáne jumysty aıtarlyqtaı jeńildetedi. Júrgizýshi qajet bolǵan jaǵdaıda marshrýttyń nómirin jáne basqa da aqparatty tabloǵa óz betinshe shyǵara alatyn bolady», - dedi Jolaýshylar tasymaly ortalyǵynyń dırektory Baqytjan Ertaev.
Onyń aıtýynsha, qazirgi ýaqytta Astanada ilki joba aıasynda on avtobýsta beınebaqylaý kamerasy men «dabyl» túımesi ornatylǵan. Bul salondaǵy, joldaǵy jaǵdaıdy baqylaýǵa, al daý-damaı týyndaǵanda, qaýip-qaterlerde (lańkestik áreketter, urlyq jáne t.b.) jedel áreket etýge múmkindik beredi.
