Astana avtobýstarynda arnaıy aktsııa ótkiziledi
ASTANA. QazAqparat - Elordalyq qoǵamdyq kólik ıeleri tasymaldaý sapasyn arttyrý jáne kondýktorlardyń jumysyn baqylaý maqsatynda arnaıy aktsııa uıymdastyrmaq.
Atap aıtqanda, barlyq qalalyq jolaýshylar avtobýstaryna «Kondýktor bılet bermedi me? Onda tegin jol júresiń» dep jazylǵan plakattar ilinedi. Aktsııa kondýktor bılet bermegen jaǵdaıda jolaýshyǵa tegin jol júrýge bolatynyn jetkizedi. ıAǵnı, bul jaǵdaıda baqylaý-jelilik qyzmet tarapynan tekserister júrgizilse, jaýapkershilik tek kondýktorǵa júktelmek. Shara jeke basynyń paıdasyn kózdegen kondýktorlardyń jolyn kesip, jalpy jolaýshylardyń azamattyq jaýapkershiligin arttyrýǵa yqpal etedi, dep úmittenedi tasymaldaýshylar. Kondýktorlardyń mindetterin adal oryndaýy, jolaqy qunyn alǵan soń bılet bermeý jaǵdaılaryn boldyrmaýy asa mańyzdy. Sebebi, mundaı áreket avtoparkterdiń bıýdjetine keri áserin tıgizedi. Sonyń saldarynan kiristiń tómendeýi, salyq salý bazasynyń azaıýy jáne t.b. máseleler týyndaıdy. Atalmysh shara osy máseleni ońynan sheshý úshin qolǵa alynyp otyr, dep habarlanǵan elorda ákimdiginiń resmı saıtynda.
