Astana avtobýstaryn dezınfektsııalaýǵa kúnine 2,8 tonna eritindi jumsalady

NUR-SULTAN. QazAqparat – Nur-Sultan qalasynyń qoǵamdyq kólikterine kún saıyn dezınfektsııa júrgiziledi. Bul týraly City Transportation Systems kompanııasynan málim etti, dep habarlaıdy QazAqparat.

«Kún saıyn aýysym aıaqtalǵannan keıin elordanyń qoǵamdyq kóligin jýýmen birge, tolyq dezınfektsııalaý júrgiziledi.

Tutqalar men oryndyqtar, esikter, valıdatorlar jáne jolaýshylar ustaıtyn jerler muqııat óńdeledi.

Aı̆ta ketý kerek, avtobýstardy sanıtarlyq óńdeý úshin kún saı̆yn 2800 lıtr dezeritindi qoldanylady», - dedi kompanııadan.

Sondaı-aq málim etilgendeı, Kóliktik baqylaý departamentiniń qyzmetkerleri jolaýshylardyń avtobýstarda betperde taǵýyn kúndelikti tekserýdi jalǵastyrýda.

«Ókinishke qaraı̆, betperde taǵýdan bas tartatyn jolaýshylar da bar. Qoǵamdyq kólikte betperde taǵý qajettigin umytpaýǵa shaqyramyz», - dedi City Transportation Systems-ten.