Astana aýrýhanasynda sábı jumbaq jaǵdaıda kóz jumdy
ASTANA. QazAqparat - Astana qalasynyń № 1 balalar aýrýhanasynda bala kóz jumdy. Oqıǵanyń bolǵanyn QazAqparat tilshisine qalalyq Densaýlyq saqtaý basqarmasynan rastady, dep habarlaıdy QazAqparat tilshisi.
«Atalǵan jaǵdaı boıynsha tergeý amaldary júrgizilip jatyr. Medıtsınalyq presonaldyń túsinikteri men kóz jumǵan balanyń týystarynyń túsinikteri tekserilýde», - dedi vedomstvonyń baspasóz qyzmetinen.
Al Facebook-tegi «Astana hochý pohvalıt/pojalovatsıa» atty topta balanyń ápkesi Janar Mýtalıeva baýyrynyń aýrýhanaǵa sýyq tıip túskeni týraly aıtqan. Onyń aıtýynsha, dárigerler bir aı boıy balany durys emdemegen.
Astana qalasynyń Densaýlyq saqtaý basqarmasynyń basshysy Kamaljan Nadyrov qaıǵyly oqıǵanyń sebepterin anyqtaýǵa ýáde berdi.
«Dárigerler balany aman saqtap qalý úshin qolynan kelgeniniń barlyǵyn jasaǵanyna senimdimin. Kún saıyn atalǵan klınıkada aýyr dıagnozben keletin ondaǵan balany aman qutqaryp alyp jatyr. Aldyn ala tujyrym jasamaı, barlyq saraptama qorytyndysyn kútýdi suraımyn», - deıdi ol.
