Astana aýrýhanalarynan dárigerler jekemenshik mekemelerge ketip jatyr

Sonyń saldarynan qalalyq densaýlyq saqtaý júıesinde kadr tapshylyǵy ózekti problemaǵa aınalyp otyr.  Búgin QR Parlamenti Májilisiniń jalpy otyrysynda Densaýlyq saqtaý mınıstriniń  atyna saýal joldaǵan depýtat Nadejda Petýhova osy máseleni kóterdi.

Depýtattyń aıtýynsha, aǵymdaǵy jyldyń 9 aıynda densaýlyq saqtaý basqarmasyna qarasty medıtsına uıymdarynan 1292 medqyzmetker ketken. Onyń 550-i - dáriger.  Atalǵan kórsetkish 2011 jylmen salystyrǵandaı aıtarlyqtaı kóp.

«Kadrlardyń qalalyq mekemelerden ketýiniń basty sebebi  jumys júktemesiniń joǵarylyǵyna, shuǵyl tártippen atqarylatynyna qaramastan, oǵan tólenetin jalaqynyń tómendigi bolyp otyr. Jalaqynyń azdyǵy statsıonardaǵy medıtsınalyq qyzmetterdi óteýdiń obektıvti emes tarıfteriniń saldarynan qalyptasyp otyr. Budan bólek, qarjy únemdelmegendikten personaldyń eńbegin qosymsha tólemdermen yntalandyrý múmkindigi de qarastyrylmaǵan. ıAǵnı saralanǵan tólem jasap, respýblıkalyq mekemeler men jekemenshik uıymdardaǵy jalaqyǵa teń keletin jalaqy belgileýge múmkindik bolmaı otyr», - deıdi depýtat.

Sonymen qatar, ol Úkimettiń elordada joǵary tehznologııalarmen jabdyqtalǵan jańa emhanalar salýǵa qajetti qarajattar bólip otyrǵanyn, alaıda medıtsına mamandarynyń joqtyǵy medıtsına qyzmetiniń sapasyn tómendetetinin atap ótti. «Qalalyq densaýlyq saqtaý júıesindegi kadrlyq tapshylyq medıtsına bilimniń jańa júıesine ótý kezeńinde órshýi ábden múmkin. Bıyl eski júıe boıynsha ıntern-dárigerler sońǵy ret shyǵarylatynyn eskersek, jańa mamandar 3-5 jyldan keıin ǵana qatarǵa qosylady», - dedi N. Petýhova.