Astana aýrýhanalaryna 100-den astam qyzmetker jetispeıdi
«Búginde elordada 1,7 myńnan astam dáriger jáne 2,6 myńnan astam orta medıtsına qyzmetkeri bar. Qalanyń densaýlyq saqtaý salasyndaǵy problemalardyń biri – kadr tapshylyǵy. Qazir Astanada 140 dáriger jetispeıdi», - dep habarlady basqarmadan.
Vedomstvonyń málimetinshe, medıtsına qyzmetkerleri úshin jaǵdaı jasalǵan. Atap aıtqanda, 2020 jyldan bastap dárigerlerdiń ortasha jalaqysy 60%-ǵa (210 myń teńgeden 300 myń teńgege deıin) jáne orta medıtsınalyq personaldyń jalaqysy 50%-ǵa (130 myń teńgeden 180 myń teńgege deıin) ósti.
2023 jyly dárigerlerdiń jalaqysyn taǵy 35%, al orta medıtsınalyq personaldyń jalaqysyn 10%-ǵa arttyrý josparlanyp otyr.
2020 jyly elordanyń jergilikti bıýdjetinen 21 mamandyq (283 grant) boıynsha medıtsına mamandaryn daıarlaý úshin 550 mln teńgeden astam qarajat bólindi. Búgingi tańda 243 stýdent bilim alyp jatyr.
«Kadr tapshylyǵy máselesin sheshý maqsatynda 2022-2023 oqý jylynda 245 grantqa qarjy bólindi. Sońǵy úsh jylda orta medıtsınalyq personaldy daıarlaýǵa 750 grant bólindi (jyl saıyn 250 granttan)», - delingen qoǵamdyq densaýlyq saqtaý basqarmasynyń aqparatynda.