Astana aýmaǵyndaǵy kókónis qoımasyndaǵy órtke baılanysty memlekettik komıssııa quryldy
ASTANA. Qarashanyń 10-y. QazAqparat /Rýslan Ǵabbasov/ - Keshe Astana aýmaǵyndaǵy kókónis qoımasyndaǵy órtke baılanysty memlekettik komıssııa quryldy. Mundaı qaýly búgin Premer-Mınıstr Kárim Másimovtiń tóraǵalyǵymen ótip jatqan Úkimet otyrysynda qabyldandy,
dep habarlaıdy QazAqparat.
«Búgin biz Tótenshe jaǵdaılar mınıstri Vladımır Bojkonyń basshylyǵymen memlekettik komıssııa jónindegi qaýlyny qabyldaımyz», dedi K. Másimov.
Keshe Astanada úlken tragedııa bolǵanyna toqtalǵan ol, Elbasy osyǵan baılanysty tıisti tapsyrma bergenin, osyǵan oraı memlekettik komıssııa qurylatynyn aıtyp ótti. «Oqıǵa ornynda qaza bolǵandardyń týǵan-týysqandaryna kóńil aıtamyn», dedi K. Másimov.
Tótenshe jaǵdaılar mınıstriniń málimetine qaraǵanda, atalǵan nysanda órt saldarynan 14 adam qaza boldy. Onyń tórteýi - Reseı azamattary.
