Astana aýmaǵynda terrorızmdi nasıhattaǵany úshin eki adam sottaldy
ASTANA. QazAqparat - Astana aýmaǵynda terrorızmdi nasıhattaǵany úshin 2 azamat sottaldy, dep habarlaıdy qalalyq prokýratýranyń baspasóz qyzmetinen.
«2015 jyldyń shildesi men tamyzy aralyǵynda sheteldegi «takfır» jáne «qarýly djıhad» radıkaldy dinı ıdeıalarynyń jaqtastary A. jáne G. esimdi azamattar birlesip, ózderiniń zańǵa qaıshy áreketterimen qoǵamǵa qaýip tóndiretinin bile tura, Astana qalasynyń aýmaǵynda radıkaldy dinı aǵymdy nasıhattap, «kafırlerge» qarsy is-áreketter jasaý úshin azamattardy «Islam memleketi» halyqaralyq terrorıstik uıymynyń qataryna qosylýǵa shaqyrǵan», delingen habarlamada.
Bul fakti 26.08.2015 j. Astana qalasy UQKD-niń SDTBT-ne Qazaqstan Respýblıkasynyń QK 256-babynyń 2-bólimi, 258-babynyń 1-bólimi boıynsha tirkeldi. 25.09.2015 j. QR QK 256-babynyń 2-bólimi, 258-babynyń 1-bólimi boıynsha aıyptaý aktisimen A. jáne G. esimdi azamattarǵa qatysty qylmystyq is qabyldanǵan sheshimniń zańdylyǵyn tekserý jáne sotqa jiberý úshin Astana qalasynyń prokýratýrasyna kelip tústi. Qala prokýratýrasymen zerdeleýdiń nátıjesi boıynsha aıyptaý aktisi bekitildi jáne 30 qyrkúıekte atalǵan azamattardy aıyptaýǵa qatysty qylmystyq is máni boıynsha qaraý úshin Saryarqa aýdandyq №2 cotyna joldandy. 9 qarasha kúni Astana qalasynyń Saryarqa aýdandyq №2 sotynyń úkimimen A. jáne G. múlikin tárkileýmen jazasyn jalpy rejimdegi túzeý kolonııasynda óteýmen 5 jylǵa bas bostandyqtarynan aıyryldy.
