Astana aýmaǵynda aspannan úsh kún kórindi
ASTANA. QazAqparat - Búgin tańerteń Astana turǵyndary erekshe tabıǵı qubylys sanalatyn galony kózben kórý múmkindigine ıe boldy, dep habarlaıdy QazAqparat tilshisi.
«Galo» - atmosferalyq optıkalyq qubylys. Ol qysta qatty aıazda paıda bolady. Mamandar aspandy qaz baýyr bult basqanda, muzdan troposferanyń joǵary qabatynda 5-10 shaqyrym bıiktikte paıda bolady dep sanaıdy.
Osy oraıda aspanda birden úsh kún kóringenin baıqaýǵa bolady. Ǵalymdardyń pikirinshe, bul «galo» dep atalatyn óte sırek kezdesetin erekshe qubylys. Galo qubylysy aıaz bolǵan kezde kúnniń ne aıdyń aınalasynda paıda bolady. Shyndyǵynda, bul kempirqosaq, onyń negizi kún sáýlesiniń sýda emes muz krıstaldaryna synýynan týyndaıdy.
Mamandardyń aıtýynsha, osyndaı qubylys kezinde kórinetin kún sáýlesi adamdardyń kózine qatty áser etedi. Sondyqtan da galoǵa kúnnen qorǵaıtyn kózildirik arqyly qaraǵan durys bolady.
