Astana aýmaǵynan 4,5 mln tekshe metrden astam qar shyǵaryldy – TJD
NUR-SULTAN. QazAqparat - Nur-Sultan qalasynyń aýmaǵynan 4,5 mln-nan astam tekshe metr qar shyǵaryldy, dep habarlaıdy QazAqparat tilshisi.
«Búginde qala aýmaǵynan 4,5 mln-nan astam tekshe metr qar shyǵaryldy. Qala mańynda 7 polıgon bar. Kóktem kelip sý tasý qaýpine baılanysty qar tazalaý, shyǵarý jumysy jedel rejımde júrip jatyr. Osy oraıda jeke úı turǵyndaryna ótinish - aýladaǵy qardy kóshege shyǵaryp qoısańyzdar. Odan ári bizdiń jumysshylar alyp ketedi», - dedi qalalyq TJD tótenshe jaǵdaılardyń aldyn alý basqarmasynyń basshysy Baýyrjan Beısenqanov elorda ákimdiginde onlaın ótken baspasóz máslıhatynda.
Onyń aıtýynsha, qar jınaý jumysy ákimdik pen jaýapty mekemelerdiń basty nazarynda.
«Sý shaıý qaýpi ásirese qala shetindegi jeke turǵyn úılerge qatysty. Jekelegen turǵyn úıdi nemese kósheni azdap sý shaıǵan jaǵdaılar bar, biraq sý basý jaıty tirkelgen joq. Búginde sý shaıǵan aýmaqtarda TJD mamandary men kommýnaldyq qyzmet jumysshylary tótenshe jaǵdaı saldaryn joıyp jatyr», - deıdi ol.
Buǵan deıin TJD ókili elordada sý shaıý qaýpi bar ýchaskeler týraly sóz qozǵaǵan edi.
