Astana aýmaǵyn lastaǵandar 14 mln teńge tóledi
ASTANA. QazAqparat - Astanada Tabıǵatty qorǵaý polıtsııasynyń qyzmetkerleri elorda aýmaǵynda beı-bereket qoqys úıindilerin boldyrmaý úshin únemi sharalar júrgizedi, dep habarlaıdy QazAqparat qala ákimdigine silteme jasap.
Osy maqsatta zańsyz kúresinge aınalý qaýpi bar oryndarda tekserý jumystary júrgiziledi. Turaqty negizde halyq arasynda ákimshilik zańnamany buzý jaýapkershiligi týraly túsindirme jumystary júrgiziledi.
Osylaısha, Astana ІІD Jergilikti polıtsııa qyzmetiniń Tabıǵatty qorǵaý polıtsııasy Astanadaǵy Ulytaý kóshesin lastaǵan «KamAZ» avtokóliginiń júrgizýshisin ustady. Abattandyrý erejelerin buzǵany úshin oǵan 10 AEK (24 050 teńge) aıyppul túrinde ákimshilik jaza taǵaıyndaldy.
«Al 59 jastaǵy «Howo» markaly avtokóliktiń júrgizýshisi Turan kóshesinde belgilenbegen jerde beton qaldyqtaryn tókkeni úshin QR Ákimshilik quqyq buzýshylyqtar kodeksiniń 505-baby «Qalalar men eldi mekenderdiń aýmaqtaryn abattandyrý qaǵıdalaryn buzý...» boıynsha ákimshilik jaýapkershilikke tartyldy. Oǵan 20 AEK (48 100 teńge) aıyppul salyndy», - delingen habarlamada.
Aıta keteıik, jyl basynan beri Astana ІІD Jergilikti polıtsııa qyzmeti tabıǵatty qorǵaý polıtsııasynyń qyzmetkerleri abattandyrý erejesin buzǵan 558 júrgizýshini anyqtap, ákimshilik jaýapkershilikke tartty. Salynǵan aıyppuldyń jalpy somasy 14 mln 600 myń teńgeden asady.
