Astana Aýǵanstandaǵy jaǵdaıdy turaqtandyrýǵa yqpaldastyǵyn arttyra beredi - SІM
ASTANA. QazAqparat - Qazaqstan Respýblıkasy Syrtqy ister mınıstriniń orynbasary Aqylbek Kamaldınov bastaǵan delegatsııa Bakýda ótken Aýǵanstan jónindegi Ystambul protsesiniń VII mınıstrlik konferentsııasyna qatysty, dep habarlaıdy QR SІM baspasóz qyzmeti.
Konferentsııany Ázerbaıjan Prezıdenti Ilham Álıev jáne Aýǵanstan Prezıdenti Mohammad Ashraf Ganı ashty.
A. Kamaldınov óz sózinde Astana ekijaqty jáne kópjaqty formattarda Aýǵanstannyń jaǵdaıyn turaqtandyrýǵa baǵyttalǵan halyqaralyq kúsh-jigerge ári qaraı belsendi yqpaldastyǵyn jalǵastyratynyn erekshe atap ótti.
Sonymen qatar, óńirlik yntymaqtastyqty ári qaraı ilgeriletý Aýǵanstannyń aýmaǵynan óńirdegi qaýipsizdikke, sonyń ishinde terakt pen esirtki tasymaldaý qaterleri tónbeıtin turaqty memleket retinde qalyptasýyna septigin tıgizetinine senim bildirdi. Sondaı-aq, qatysýshylardy Qazaqstannyń 2018 jylǵy qańtarda BUU Qaýipsizdik Keńesindegi tóraǵalyǵy barysynda jumystyń basymdyqtary týraly aqparattandyrdy.
Konferentsııa qorytyndysy boıynsha óńirdegi jobalardy júzege asyrýǵa jáne syndar men qaýip-qaterlerdi joıýǵa baǵyttalǵan yntymaqtastyqtyń odan ári damý joldary aıqyndalǵan Baký deklaratsııasy qabyldandy.
