Astana áýejaıynyń jańa termınaly 2017 jyly salynyp bitedi

Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhatynda "Qazaqstan temir joly" UK" AQ vıtse-prezıdenti Roman Sklıar málim etti.

Onyń aıtýynsha, elorda áýejaıynyń jańa termınaly men ushý jolaǵynyń qurylysy Ulttyq qordan, Eýropanyń Qaıta qurý jáne damý bankiniń qaryzy men QTJ-nyń qarjysy esebinen júrgizilýde.

"Qazirgi ýaqytta Qazáýenavıgatsııa áýejaıynyń eski ǵımaraty tolyq buzyldy, ınjenerlik kommýnıkatsııalardy shyǵarý jumystary atqarylýda. Termınal astyn qazý jumystary bastaldy. Jańa perronnyń qurylysy jandandy. Jańa termınaldyń syrtqy beton qańqasy salyndy, syrtqy ınjenerlik jumystar aıaqtaldy. Kelesi jyly jolaýshylar termınalynyń syrtqy jáne ishki jóndeý jumystary bastalady. Sonymen qatar ushý-qoný jolaǵy da tolyǵymen jańartylady. Astana áýejaıyn jańǵyrtý jumystary tolyǵymen birinshi toqsanda, ıaǵnı 2017 jyldyń naýryzynda aıaqtalady", - dedi R. Sklıar.