Astana áýejaıynyń mańyndaǵy apattan qaza tapqan ushqyshtardyń otbasyna ótemaqy tólenedi - QR Qorǵanys mınıstrligi
ASTANA. 24 tamyz. QazAqparat - Qorǵanys mınıstrligi 22 tamyzda Astana áýejaıynyń mańynda oryn alǵan áýe apatynan qaza tapqan ushqyshtardyń otbasyna ótemaqy tóleıdi.
Atalǵan vedomstvo baspasóz qyzmetiniń mádimetinshe, «Áskerı qyzmet jáne áskerı qyzmetshilerdiń mártebesi» týraly Qazaqstan Respýblıkasynyń Zańyna sáıkes áskerı qyzmetshiler áskerı qyzmetin óteý kezinde qaıtys bolǵan jaǵdaıda olardyń muragerine sońǵy atqarǵan laýazymynyń bes jyldyq aqshalaı qamtý mólsherindegi ótemaqy tólenedi.
Qaza tapqan áskerı ushqyshtardyń árqaısysynyń otbasylaryna beriletin ótemaqynyń mólsheri orta eseppen 8-9 mıllıon teńgeni quraıdy. Sondaı-aq, áskerı vedomstvo marqumdardyń jerleý rásimderine ketetin barlyq shyǵyndardy tolyqtaı óteıtin bolady.
Budan buryn habarlanǵandaı, 22 tamyzda tańǵy saǵat 8-der shamasynda Astana áýejaıynyń mańynda oqý-jattyǵý ushýlaryn oryndaý kezinde Qazaqstan Qorǵanys mınıstrliginiń Mı-17 tikushaǵy apatqa ushyrady. Saldarynan tórt adamnan turatyn ekıpaj qaza tapty.
