Astana áýejaıynyń qyzmetkerleri jolaýshylardyń júgin aqtarǵan
Vedomstvonyń málimetinshe, jol júrý barysynda, onyń ishinde Qazaqstan aýmaǵynan tys jerde ıesiz ashylǵan jol júkterdiń sany 80-ge jetken. Prokýratýranyń úılestirý jumysynyń arqasynda ýákiletti organdar men áýejaı qyzmetkerleri azamattardyń múlikterin qorǵaý úshin birqatar uıymdastyrýshylyq sharalardy qolǵa alyp, birlesken jumys jospary bekitildi.
«Áýejaıdyń júk boıynsha qyzmet kórsetý jumysyndaǵy engizilgen negizgi janalyq - avıatsııalyq qaýipsizdik qyzmetiniń qyzmetkerleri júk bóliminde kúndelikti kezekshilik atqaratyn boldy. Tıep-túsirý barysynda beınetirkeý quraly qoldanylady, demek, beınebaqylaý júıelerin jańǵyrtý arqyly áýejaı aımaǵynda «jasyryn» jerler bolmaıdy. Atalǵan is-sharalar áýejaıdan tys jerde jasalatyn qylmystardy boldyrmaýǵa jáne olar boıynsha qylmysty qýdalaý organdarymen negizsiz tekserister júrgizbeýge múmkindik berdi. Nátıjesinde jeke múlikterdi jáne júkterdi urlaý derekteri 60% tómendedi (40-tan 16-ǵa deıin)» delingen vedomstvo taratqan habarlamada.
Sonymen qatar, atalǵan shara barysynda 8 qylmystyq quqyqbuzýshylyq ashyldy, onyń 7-ýin áýejaı jumyskerleri jasaǵan. Eki jumyskerge qatysty aıyptaý úkimi shyǵaryldy. Qalǵandaryna qatysty is sotpen medıatsııa tártibinde qysqartyldy.
Atalǵan baǵyttaǵy jumystar jalǵasýda.