«Astana» áýejaıynyń qyzmetkeri Gennadıı Golovkınmen janjaldasty
ASTANA. QazAqparat - Gennadıı Golovkın otbasymen Otanyna ushyp keldi. Chempıon ótken jylǵy qarashadan bastap Qazaqstanda bolmaǵan, Qaraǵandyǵa týystaryna kelgen, dep habarlady VKontakte áleýmettik jelisinde boksshynyń resmı toby.
Alaıda, halyqtyń súıikti sportshysynyń kelgenine qýanbaıtyndar da bar eken.
«Astana» halyqaralyq áýejaıynyń qyzmetkeri Gennadıı Golovkındi VIP-zal arqyly ótkizbeı, jolaýshylar men Gennadııdi kútip alýshylardyń aldynda janjal shyǵarǵan. Ol «Gennadıı aqsha tólemeı zal arqyly ótýge quqyǵy joq, sebebi ol sheneýnik, ne sheneýnik otbasynan emes» degen. Bul Qazaqstannyń bedelin shetelde kóterip júrgen Golovkınniń aınalasyndaǵy adamdardyń narazylyǵyn týdyrǵan.
Sodan keıin qyzmetkerlerdiń ózi GGG-men VIP-zalda fotosessııa uıymdastyrǵan, dep jazady sports.kz .
Qarsy alýshylarǵa tólem tóleý úshin kassaǵa ótýge tyıym salǵan, aqyry sol qyzmetkerdiń ózi olardyń aqysyn ózi baryp tólegen.
