Astana áýejaıynyń basshysy aýysty
ASTANA. QazAqparat - «Airport Management Group» atqarýshy kompanııasynyń sheshimimen «Astana halyqaralyq áýejaıy» AQ-nyń basqarma tóraǵasy Qaırat Jaýhanov óz erkimen qyzmetinen bosatyldy.
Basqarma tóraǵasynyń birinshi orynbasary Rádilbek Ókenuly Ádımolda tóraǵa qyzmeti mindetin atqarýshy bolyp taǵaıyndaldy, dep habarlaıdy «Airport Management Group» kompanııasynan.
R.Ádımolda 1987 jyly Azamattyq avıatsııa akademııasyn támámdaǵan (Sankt-Peterbýrg, RF). Qazaqstannyń Azamattyq avıatsııa komıtetinde, «Qazaeronavıgatsııa» RMK-da jetekshi qyzmetter atqarǵan. «Qurmetti avıator» tós belgisi, «Qazaqstan Respýblıkasynyń Táýelsizdigine 20 jyl» jáne «Eren eńbegi úshin» medaldarymen marapattalǵan.
Búginde Astany áýejaıy jalpy eseppen táýligine 10 myńnan astam jolaýshyǵa, 140 shaqty reıske qyzmet kórsetedi. 16 ishki jáne 23 halyqaralyq baǵyt boıynsha 16 áýekompanııanyń turaqty reısterin júzege asyrady. Qazir áýejaıda jańa jolaýshylar termınalynyń qurylysy men ushý-qoný jolaǵyn jóndeý jumystary jasalýda. Jańa termınal iske qosylǵannan keıin, aýmaǵy 41 myń sharshy metrdi quraıtyn ǵımaratta 25 tirkeý orny, kóshi-qon qyzmetiniń 24 orny, júk shyǵaratyn 3 konveıer bolady. Jańa termınal jylyna 3,5 mln. jolaýshyǵa qyzmet kórsete alady. Osylaısha, 2017 jyly elorda áýejaıynyń jyldyq ótkizý múmkindigi 7 mln.-ǵa jetedi. Jolaýshylar men áýekompanııalardyń suranystaryn qanaǵattandyryp, joǵary sapaly qyzmet kórsetý maqsatynda Airport Management Group álemdik jetekshi kompanııalardy seriktestikke tartady: jerde qyzmet kórsetý boıynsha Swissport International kompanııasy, al borttyq tamaqtandyrý boıynsha álemdik jetekshi Gate Gourmet kompanııasymen áriptesý josparlanǵan.
Búgin «Airport Management Group» atqarýshy kompanııasynyń bas dırektory (Basqarma tóraǵasy) Klod Badan áýejaı ujymymen jınalys ótkizip, jańa basshyny tanystyrdy.
«100 naqty qadam» Baǵdarlamasy aıasynda jáne «Nurly jol» Joldaýynda Memleket basshysy elordalyq áýejaıdyń damýyna erekshe den qoıady. Sondyqtan biz Zurich Airport International kompanııasymen áriptese úlken mindetterdi júzege asyrýymyz qajet. ıAǵnı, álemdik úzdik tájirıbelerdi, standarttar men tehnologııalardy engizý, qyzmet kórsetý sapasyn joǵarlatý, ushý jáne avıatsııa qaýipsizdigin jetildirý jumystary tur», - dedi Klod Badan.
