Astana áýejaıynyń 600 qyzmetkeri jyl basynan beri tólenbegen eńbekaqysyn aldy

ASTANA. QazAqparat - Astana qalasy Áýe kólik prokýratýrasy astanalyq áýejaı jumysshylaryna 3 mln teńgeden astam eńbekaqysynyń tıisti bóligin tóletti, dep habarlaıdy QazAqparat.

Prokýratýra baspasóz qyzmetiniń málimetinshe, «Halyqaralyq Astana áýejaıy» AQ-nyń jyl basynan bastap demalys kúnderinde eńbekaqyny jumyskerdiń kúndik (saǵattyq) mólsherlemesi negizinde bir jarym eseden tólegendigi anyqtalǵan.

Bul - aktsıonerlik qoǵamnyń eńbekaqy tóleý erejesine qaıshy. Ol boıynsha demalys kúnderindegi jumys úshin eki ese kólemde tarıf qarastyrylǵan.

Qadaǵalaý aktisin qaraý nátıjesi boıynsha 600-den astam jumysshyǵa 3 mln teńgeden astam eńbekaqy boıynsha qaryzdar tólendi.

Eńbekaqy tóleý jónindegi talaptardy buzǵany úshin zańdy tulǵa ákimshilik, eki laýazymdy tulǵa tártiptik jaýapkershilikke tartyldy.