Astana áýejaıyndaǵy jóndeý jumystaryna baılanysty ushý kestelerine ózgeris engizildi

ASTANA. QazAqparat – Astana áýejaıyndaǵy jóndeý jumystaryna baılanysty Air Astana kompanııasy 19 reıstiń ushý kestesin ózgertti, dep habarlaıdy QazAqparat atalǵan avıakompanııaǵa silteme jasap.

«Astana áýejaıynyń ushyp-qoný jolaǵyn jóndeý týraly 2023 jylǵy 19 mamyrdaǵy habarlamasyna sáıkes, Air Astana aıvkompanııasy 24, 31 mamyrǵa jáne 7 maýsymǵa (13:20-dan 17:20-ǵa deıin) josparlanǵan reıster kestesine ózgeris engizýge májbúr. Jalpy alǵanda, ózgerister 19 ishki reıske áser etedi.

Sondaı-aq 2023 jylǵy 15 shilde men 8 tamyz aralyǵynda Astana áýejaıynda josparly jóndeý jumystary bolatyny týraly esterińizge salamyz», - delingen habarlamada.

Reıster mártebesin https://airastana.com/kaz/kk-kz (Aqparat/Áýejaıda/Reıs-statýsy) saıtynda kórýge bolady. Al bıletti qaıtarý jáne qaıta brondaý máseleleri boıynsha https://help.airastana.com habarlasý suralady.