Astana áýejaıyndaǵy áýe reısteriniń keshigý sebebi belgili boldy
ASTANA. QazAqparat - Azamattyq avıatsııa komıteti Astana áýejaıyndaǵy ushaqtardyń ýaqytynda ushpaýynyń sebepterin túsindirdi, dep habarlaıdy QazAqparat tilshisi komıtettiń Feısbýktegi paraqshasyna silteme jasap.
2019 jyldyń 3 qańtary, saǵat 12:00-degi jaǵdaı boıynsha Astana áýejaıynda 9 reıs keshikti. Atap aıtqanda:
- 2019 jylǵy 3 qańtarda saǵat 07:20-da Óskemenge josparlanǵan DV 785 ushaǵy áýe kemesiniń keshigip kelýine baılanysty 3 qańtar, saǵat 14:00-ge shegerilgen;
- 3 qańtarda saǵat 07:15-te Aqtaýǵa ushýy tıis KS 313 reısi tehnıkalyq sebepterge baılanysty 3 qańtar saǵat 18:30-ǵa aýystyryldy;
- Almatyǵa ushýy tıis DV 704 reısi ushaqtyń kelýine baılanysty keshigip jatyr;
- 3 qańtar saǵat 11:55-ke josparlanǵan Qostanaıdaǵy IQ 367 reısi áýe kemesiniń keshigip kelýine baılanysty 3 qańtar saǵat 14:50-ge aýystyryldy;
- 3 qańtarda saǵat 12:35-te Tarazǵa ushýy tıis DV 755 reısi áýe kemesiniń keshigip kelýine baılanysty 3 qańtar saǵat 15:50-ge aýystyryldy;
- 3 qańtar saǵat 12: 40-ta Almatyǵa josparlanǵan DV 714 reısi áýe kemesiniń keshigip kelýine baılanysty 3 qańtar saǵat 15:20-ǵa shegerildi;
- 3 qańtarda saǵat 15:10-da Taldyqorǵanǵa ushýy tıis DV 795 reısi áýe kemesiniń keshigip kelýine baılanysty 3 qańtar saǵat 16:10-ǵa aýystyryldy;
- 3 qańtarda saǵat 17:50-de Aqtóbe qalasyna attanady dep josparlanǵan DV 721 reısi 3 qańtar saǵat 19:30-ǵa aýystyryldy;
- 3 qańtar saǵat 17: 55-te Aqtóbe qalasyna ushýy tıis IQ 385 reısi áýe kemesiniń keshigip kelýine baılanysty 3 qańtar saǵat 10:05-ke aýystyryldy.
Sonymen birge, 3 qańtar «LOT Polish Airlines» áýe kompanııasynyń LOT 195 reısi Astana áýejaıyna elorda ýaqyty boıynsha saǵat 09:37-de ushyp keldi (reıs 57 mınýtqa keshikken). Sondaı-aq, Vılnıýs - Astana baǵyty boıynsha SCAT avıakompanııasynyń 808 reısi áýe kemesiniń kesh ushyp kelýine baılanysty Vılnıýsten saǵat 12:30-da ushyp shyǵatyn boldy. Al Astanaǵa ol ushaqtyń kelý ýaqyty jergilikti ýaqyt boıynsha saǵat 20:40 dep boljanyp otyr.
Shymkent, Óskemen, Aqtaý, Aqtóbe, Taraz qalalarynan Astanaǵa attanatyn ushaqtar áýe kemesiniń keshigip kelýine baılanysty ýaqtyly ushyp kele almaı otyr. Sonymen qatar, «Eır Astana» áýe kompanııasynyń Omby - Astana baǵyty boıynsha reısi keshiktirilgen.
Vedomstvoda atap ótkendeı, boljam boıynsha eldegi kúrdeli aýa raıy jaǵdaıy áli de saqtalady. Osyǵan baılanysty, jolaýshylarǵa áýe kompanııalarynyń resmı saıttary jáne baılanys ortalyǵy arqyly reısterdiń jaı-kúıin aldyn-ala bilip alýǵa keńes beriledi. «Eır Astana» áýe kompanııasynyń qońyraý shalý ortalyqtary: Almaty q.: +7 7272 444477, Astana q.: +7 7172 584477, uıaly tel.: +7 702 702 4477. «SCAT» áýekompanııasynyń Call-ortalyǵy +7 7252 998880.
