Astana áýejaıynda jolaýshylar júkterin tekserý júıesinde jańashyldyqtar engiziledi
ASTANA. 14 jeltoqsan. QazAqparat /Jasulan Amanbaıuly/ - Astana áýejaıynda jolaýshylar júkterin tekserý júıesinde jańashyldyqtar engiziledi. Bul týraly QR ІІM Kóliktegi ІІD baspasóz qyzmeti áýejaıdyń qaýipsizdik boıynsha vıtse-prezıdenti Marat Shyńǵysovqa silteme jasap habarlaıdy.
M. Shyńǵysovtyń sózine qaraǵanda, júkterdi tekserý júıesinde jańa ózgerister keledi. Eki kezeńdik baqylaý júıesin zańsyz zattardy ózi anyqtaı alatyn zamanaýı tehnıka basqaratyn bolady.
«Atalǵan tehnıka jaqyn ýaqyttarda ornatylady. Ol júkke tekserý júrgizý merzimin qysqartady jáne eń bastysy - onyń sapasyn áldeqaıda joǵarylatpaq», - dep habarlaıdy áýejaıdyń qaýipsizdik jónindegi vıtse-prezıdenti.
Sonymen qatar, 2012 jyldan bastap áýejaıda beınebaqylaý júıesi tolyqtaı jetildirilmek. Áýejaı ǵımaratynda qosymsha beınebaqylaý kameralary ornatylady.
«Jolaýshylar júginiń urlyǵy men tonaý oqıǵalaryn boldyrmaý maqsatynda basty nazar júk bólimine qoıylady», - deıdi ol.
