Astana áýejaıynda ushaqta shylym shekkeni úshin ózbekstandyq azamat reısten túsirildi
ASTANA. QazAqparat - Astana halyqaralyq áýejaıynda kólik polıtseıleri «Sheremetov-Astana» baǵytyndaǵy reısten 23 jastaǵy Ózbekstan azamatyn zańbuzýshylyqqa jol bergeni úshin túsirdi, dep habarlady Kóliktegi ІІD baspasóz qyzmetinen.
«2 qańtar kúni tańǵy saǵat altylar shamasynda Astana qalasynyń áýejaıyndaǵy jelilik polıtsııa bólimine telefon arqyly «Sheremetev-Astana» baǵytyndaǵy áýe kemesiniń bortynda tıisti ereje buzýshynyń bar ekendigi jóninde habarlama kelip tústi», delingen habarlamada.
Tekserý barysynda Ózbekstan azamatynyń ushaqtyń ájethanasynda shylym shekkeni anyqtaldy. Budan soń ol bortseriktiń aktisi negizinde reısten túsirildi.
Osy fakti boıynsha ákimshilik hattama toltyryldy. Ustalǵan azamatqa QR ÁQK-niń 441-shi babynyń 1-shi tarmaǵyna sáıkes, 3 aılyq eseptik kórsetkish kóleminde aıyppul salynýy múmkin.
