Astana áýejaıynda «ýaqytsha aıaldaıtyn kólikter jolaǵy» paıda bolady
ASTANA. QazAqparat - Astana ákimi Áset Isekeshev abattandyrý jáne nysandardyń qolaıly ınfraqurylymy máselesi boıynsha qalany aralady, dep habarlaıdy QazAqparat ákimdiktiń resmı saıtyna silteme jasap.
Elorda basshysy baryp kórgen nysandardyń biri «Nurly jol» temirjol vokzaly boldy. Onyń ınfraqurylymy týraly ákim orynbasary Sergeı Horoshýn baıandady.
Atap ótilgendeı, jolaýshylardy otyrǵyzyp-túsirýde qolaıly jaǵdaı jasaý úshin temirjol vokzalyna jaqyn júretin avtobýstardyń kelý-ketý baǵyty ózgertildi. Qazirgi tańda «Nurly jol» vokzaly aımaǵyna 11 baǵdar qatynaıdy. Bul jumystar «Qazaqstan temir joly» AQ-men birlesip oryndaldy.
Sonymen qatar, temirjol vokzalyna kelgen jolaýshylar men avtobýs kútýshilerdiń aıaldamaǵa deıin joly aıtarlyqtaı qysqardy. Oǵan qosa, eskalatorlardyń sany kóbeıtilip, jolaýshylar men júk tasymaldaıtyn lıftiler iske qosyldy.
ıAǵnı, qoldanystaǵy 52 eskalatorǵa 12 eskalator qosyldy, bul adamdardyń birinshi qabattan birden úshinshi qabatqa shyǵyp, túsýine múmkindik beredi. Jańa temirjol vokzalynyń ǵımaratynda qazir 26 lıft jumys istep tur, onyń 6-ýy - jolaýshylarǵa, 4-ýi syıymdylyǵy úlken júkterge arnalǵan.
Budan keıin ákim Nursultan Nazarbaev halyqaralyq áýejaıynyń alańyn baryp kórdi. Sebebi, qala turǵyndary astana áýejaıyna barar joldyń qolaısyzdyǵyna birneshe ret shaǵymdanǵan bolatyn. Áýejaı basshylyǵyna Jolaýshylar kóligi basqarmasymen birlesip, ýaqytsha aıaldaıtyn avtokólikter úshin arnaıy jolaǵy bar alań bólý tapsyryldy. Atalmysh jumystar taıaý ýaqytta júzege asyrylatyn bolady.
