Astana áýejaıynda terrorızmge qarsy oqý-jattyǵý ótip jatyr
ASTANA. QazAqparat - Astana qalasynyń halyqaralyq áýejaıynda Terrorızmge qarsy astanalyq jedel shtaby «Dabyl-2015» oqý-jattyǵý is-sharasyn ótkizip jatyr. Sharanyń ótý ýaqyty 11.00-den 13.00-ge deıingi aralyqty qamtıdy.
Bul týraly Astana ІІD baspasóz qyzmeti habarlady.
Oqý-jattyǵýdyń maqsaty - kólik ınfraqurylymy obektilerinde lankestik qaýpi oryn alǵan kezindegi ózara áreketti pysyqtaý.
Jattyǵýdyń mindetteri jarylǵysh quraldardy izdeý men olardy isten shyǵarý, kepilge alynǵan adamdardy bosatý jáne terrorısterdi joıý arqyly áýe kóliginde terrorızm aktileriniń jolyn kesýdegi mehanızmdi jetildirýge baǵyttalǵan.
