Astana áýejaıynda shetelge iri kólemde aqsha ótkizbek bolǵan qazaqstandyqtar ustaldy
ASTANA. Qańtardyń 27-si. QazAqparat /Arman Asqarov/ - Astana qalasy boıynsha Kedendik baqylaý departamentiniń qyzmetkerleri Astana qalasynyń Halyqaralyq áýejaıynda «Astana - Frankfýrt» baǵatynda ushpaq bolǵan S. jáne A. degen Qazaqstan azamattarynan 20 myń 620 eýro somasynda shetel valıýtasyn tárkiledi,
dep habarlaıdy QazAqparat departamenttiń baspasóz qyzmeti silteme jasap.
Kedendik resimdeý kezinde atalmysh azamattar árqaısysynda tek 6 800 eýro ǵana bar ekenin málimdegen. Alaıda, deklaratsııalanǵan 13 600 eýrodan basqa A. degen azamatshanyń sómkesinde kedendik baqylaýdan jasyrylǵan 20 myń 620 eýro shetel valıýtasy anyqtalǵan.
QR Ulttyq bankiniń kýrsy boıynsha deklaratsııadan ótkizilmegen qarjynyń kólemi 4 310 404 teńgeni qurady.
