Astana áýejaıynda reseılik esirtkimen ustaldy
ASTANA. QazAqparat - Kólik polıtseıleri Astana halyqaralyq áýejaıynda Reseı Federatsııasynyń azamatyn esirtkimen ustady, dep habarlaıdy QazAqparat Kóliktegi ІІD-niń baspasóz qyzmetine silteme jasap.
«Astana qalasynyń halyqaralyq áýejaıynda «Astana-Máskeý» baǵytyndaǵy áýe reısimen ushpaq bolǵan 52 jastaǵy Reseı Federatsııasynyń azamaty ustalyp, odan jalpy salmaǵy 17,308 gramm «keptirilgen marıhýana» esirtkisi tárkilendi. Ol esirtkini Qazaqstan Respýblıkasynyń memlekettik shekarasynan zańsyz alyp ótpek bolǵan», - delingen habarlamada.
Atalǵan fakti QR QK-niń 286-baby 1-tarmaǵymen sotqa deıingi tergep-tekserý biryńǵaı tizilimine tirkelindi. Qazir tergeý amaldary júrgizilýde.
