Astana áýejaıynda radıatsııany anyqtaıtyn arnaıy monıtorlar ornatyldy
Kólik, júk jáne azamattardan radıatsııanyń bar-joǵyn baqylaıtyn portaldy monıtorlar ıadrolyq materıaldardyń zańsyz taralýyna jol bermeý maqsatynda AQSh, Norvegııa Koroldigi, Ońtústik Koreıa, Jańa Zelandııa elderiniń Qazaqstandaǵy elshilikteriniń qarjysyna satyp alyndy.
«Búkil TMD keńistiginde qoldanylatyn atalmysh qurylǵy Reseı aýmaǵynda jasalǵan. Ol memlekettiń radıatsııalyq qaýipsizdigin saqtaýǵa septigin tıgizedi. Halyqaralyq kelisimderdiń talaby boıynsha da ıadrolyq materıaldardyń álemdik deńgeıde zańsyz ári beıbereket tasymaldanýyna tosqaýyl bolady», - deıdi QR Qarjy mınıstrligi Kedendik baqylaý komıteti tóraǵasynyń orynbasary Igor Ten.
AQSh-tyń Qazaqstandaǵy Tótenshe jáne Ókiletti Elshisi Kennet Feırfakstyń atap ótkenindeı, birlesken baǵdarlama kelisimderi negizinde Qazaqstanda ózge elderdiń qarjysyna 24 qurylǵy satyp alynǵan.
«Biz Qazaqstanmen birge ıadrolyq zattar men materıaldardy taratpaý salasynda 20 jyldan astam ýaqyttan beri yntymaqtasa jumys istep kelemiz. Osy oraıda atalmysh taqyryp boıynsha Qazaqstan bizdiń eń qýatty, eń senimdi seriktesimiz. Álemniń barlyq elderi ıadrolyq materıaldardyń zańsyz tasymaldanýyna tosqaýyl qoıýlary tıis. ıAǵnı, osyndaı arnaıy qurylǵylar ornatý bir eldiń máselesi emes», - deıdi Kennet Feırfaks.
Kedendik baqylaý komıtetiniń málimetteri boıynsha, bıyl Kedendik odaqtyń syrtqy shekara beketterinde radıatsııalyq materıaldardy zańsyz tasymaldaýdyń 38 faktisi anyqtalǵan. Kedendik shekara beketterin jabdyqtaý respýblıkalyq bıýdjetten de júrgiziledi. Búgingi ýaqytta 27 radıatsııalyq baqylaý qurylǵysy ornatylǵan.
