Astana áýejaıynda ózin jarmaqshy bolǵan jigittiń kim ekeni anyqtaldy
ASTANA. 24 jeltoqsan. QazAqparat - Astana áýejaıynda ózin-ózi jaramyn dep shý kótergen jigittiń aty-jóni anyqtaldy.
Bul týraly qalalyq ІІD baspasóz qyzmetinen habarlady.
2012 jylǵy 21 jeltoqsanda saǵat 22.10-da Kóliktegi ІІD-niń Astana qalasy áýejaıyndaǵy jelilik polıtsııa bóliminiń kezekshi bólimine patrýldik post qyzmetkeri áýejaı ǵımaratyna qoldan jasalǵan jarylǵysh quraly bar jılet kıgen beıtanys adam kele jatqanyn habarlady. Kezekshi jasaq atalǵan azamatty toqtatty. Eýropanyń bir eline ushýdy talap etip, ózin jaramyn dep qorqytty.
Dabyl boıynsha jelilik polıtsııa bóliminiń jeke quramy kóterilip, oqıǵa bolǵan jerge Kóliktegi ishki ister departamentiniń, Astana qalasynyń, UQK, prokýratýra jáne tótenshe jaǵdaılar departamentiniń qyzmetkerleri shyqty.
Jaqyn arada ushatyn ushaqqa basqa ǵımarattan otyrǵyzylady degen syltaýmen polıtseıler ony áýejaıdan shyǵaryp alyp, qala jaqqa qaraı 200 metrge deıin apardy.
Áýejaıdaǵy jelilik bóliminiń bastyǵy beıtanys azamatpen sóılesip, Astana qalasynyń ІІD patrýldik avtomashınasyna otyrýǵa kóndirgen jáne jolaýshylardyń qaýipsizdigin saqtaý maqsatynda qaýipsiz aralyǵyna Prıgorodnyı kentiniń garaj jaǵyna jeke ózi shyǵaryp apardy.
Sóıleskennen keıin belgisiz adam óziniń jıletin sheship, jelilik polıtsııa bóliminiń ǵımaratyna qaraı júrdi. Astana qalasy ІІD arnaıy áreket etý bólinisiniń saperlarynyń tekserýi barysynda qoldan jasalǵan jarylǵysh qondyrǵy mýlıaj ekendigi anyqtaldy.
Er adamnyń jeke basy anyqtaldy. Ol Aqmola oblysy, Stepnogorsk qalasynyń 18 jastaǵy turǵyny, buryn urlyq jasaǵany úshin sottalǵan. Ustalǵan adam ýaqytsha ustaý ızolıatoryna qamaldy, Qazaqstan Respýblıkasy Qylmystyq Kodeksiniń 242-baby boıynsha (terrorızm aktisi týraly kórineý jalǵan habarlaý) qylmystyq is qozǵaý týraly másele sheshilýde.
