Astana áýejaıynda lańkestik pen ekstremızmge qarsy áreket etý máseleleri boıynsha vedomstvaralyq keńes ótti
ASTANA. 12 tamyz. QazAqparat /Qanat Mámetqazyuly/ - Jaqynda Astana avıatsııa kólik prokýratýrasy astanalyq áýejaıda lańkestik pen ekstremızmge qarsy áreket etý máseleleri boıynsha vedomstvaralyq keńes uıymdastyrdy.
Bul týraly Bas prokýratýranyń baspasóz qyzmetinen habarlandy.
«Vedomstvoaralyq keńes jumysyna quqyq qorǵaý organdarynyń, Astana qalasy áýejaıy basshylary, ulttyq avıakompanııa ókilderi qatysty. Keńeske qatysýshylar lańkestikke jáne ekstremızmge qarsy áreket etýdiń problemalaryn jáne olardy sheshý joldaryn talqylady, múddeli taraptar ózara jedel habardar etý jáne ózara áreket týraly kelisimge keldi. Sondaı-aq áýejaıdyń avıatsııalyq qaýipsizdiginiń ózekti máseleleri qozǵaldy, olardy joıý boıynsha usynystar aıtyldy», - delingen baspasóz baıanynda.
