Astana áýejaıynda qaıtys bolǵan QHR azamaty ADB-nyń Qazaqstandaǵy ókildiginiń dırektory bolyp shyqty
ASTANA. QazAqparat - Áriptesteri 27 naýryz kúni júrek talmasynan mezgilsiz qaıtys bolǵan Azııa damý bankiniń (ADB) Qazaqstandaǵy ókildiginiń dırektory, 55 jastaǵy Djınlın ıAngty eske alyp jatyr.
«Áriptesteri Djınlındi talantty ári tájirıbeli basshy retinde ǵana emes, jyly shyraıly, ashyq, qashanda bilimi jáne tájirıbesimen bólisýge daıyn adam retinde este saqtaıdy», - dedi ADB-nyń prezıdenti Takehıko Nakao.
Eske sala keteıik, 27 naýryz kúni saǵat 07:53-te Astana halyqaralyq áýejaıynyń aıaldamasynda QHR-dyń 1960 jyly dúnıege kelgen azamaty ıAng Djınlınniń zorlyq belgileri joq denesi tabyldy.
Qytaı Halyq Respýblıkasynyń (QHR) azamaty Djınlın ıAng ADB-da 2011 jyly Shyǵys Azııa departamentinde aǵa keńesshi retinde jumys isteı bastaǵan, buǵan deıin QHR-dyń Qarjy mınıstrliginiń janyndaǵy Azııa-Tynyq muhıtynyń Qarjy jáne damý ortalyǵyn basqardy.
Bas keńsesi Manılada ornalasqan ADB-nyń mıssııasy - Azııa-tynyq muhıty aımaǵynda ınklıýzıvtik ekonomıkalyq jáne ekologııalyq turaqty ósimniń, sondaı-aq aımaqtyq ıntegratsııanyń kómegimen kedeılik deńgeıin tómendetý. Bank 1966 jyly qurylǵan, onyń 67 elde aktsıonerleri bar.
