Astana áýejaıynda qaýipsizdiktiń kúsheıtilgen rejımi engizildi
ASTANA. QazAqparat - Qazaqstan astanasynyń halyqaralyq áýejaıynda qaýipsizdiktiń kúsheıtilgen rejımi engizildi, dep habarlady mekemeniń baspasóz qyzmeti QazAqparat tilshisiniń saýalyna.
«Qaýipsizdiktiń qosymsha sharalaryn qamtamasyz etý maqsatynda Astananyń Halyqaralyq áýejaıynda jolaýshylar termınalynyń kireberisine tekserý jabdyǵy ornatyldy. Termınalǵa eki kirmeesik arqyly ótýge bolady. Jolaýshylardy tekserýdi áýejaı qyzmetkerleri táýlik boıy júrgizedi. Osyǵan baılanysty jolaýshylardyń qosymsha tekserý rásiminen ótýge ketetin ýaqytty eskere otyryp, erterek kelýin suraımyz», - delingen habarlamada.
Qaýipsizdiktiń kúsheıtilgen rejımi erekshe ókimge deıin turaqty túrde engizildi.
