Astana áýejaıynda ishimdik ishken Úndistannyń eki azamatyn reısten alyp qaldy
ASTANA. QazAqparat - QR ІІM Kóliktegi ІІD elimizdiń temir jol jáne áýe kóligi nysandarynda qoǵamdyq tynyshtyq pen azamattardyń qaýipsizdigin buzatyn usaq quqyq buzýshylyqtardyń jolyn kesý jáne aldyn alý boıynsha jumystar júrgizilýde.
Sonyń nátıjesinde jyl basynan beri ár túrli usaq quqyq buzýshylyqtar úshin 37 516 azamat ákimshilik jaýapkershilikke tartyldy, dep habarlaıdy Kóliktegi ІІD baspasóz qyzmeti.
Máselen, aǵymdaǵy jylǵy 10 tamyz kúni Astana qalasy áýejaıynyń kezekshi bólimine «Eır Astana» áýe kompanııasynan mas kúıde bolǵan 2 jolaýshyny «Astana-Almaty» baǵytyndaǵy áýe reısimen tasymaldaýdan bas tartý jóninde habarlama kelip tústi.
Tekserý barysynda 29 ben 46 jastaǵy Úndistannyń eki azamaty anyqtaldy. Kólik polıtseıleri mán jaıdy anyqtaý úshin azamattardy joǵaryda atalǵan áýe reısinen túsirip aldy. Budan soń quqyq buzýshylardyń ústinen QR ÁQBtK-niń 440 babynyń 1 tarmaǵy, ıaǵnı, alkogoldik ishimdikterdi ishý nemese qoǵamdyq oryndarǵa masań kúıde kelý boıynsha ákimshilik hattama toltyryldy.
Dál osy kúni Astana áýejaıyndaǵy JPB-niń kezekshi bólimine «Eır-Astana» áýe kompanııasynan taǵy da bir quqyq buzýshy jolaýshyny tapsyrý jóninde habarlama kelip tústi. Tekserý barysynda ishimdik ishken kúıde «Atyraý-Astana» baǵytyndaǵy áýe reısiniń bortynda temeki shekken Atyraý qalasynyń 1962 jyly týylǵan turǵyny anyqtaldy.
Atalǵan fakt boıynsha QRKoAP QR ÁQBtK-niń 440 babynyń 1 tarmaǵy (Alkogoldik ishimdikterdi ishý nemese qoǵamdyq oryndarǵa masań kúıde kelý) jáne 441 baby 1 tarmaǵy (Jekelegen qoǵamdyq oryndarda temeki shegýge tyıym salýdy buzý) boıynysha ákimshilik hattamalar toltyryldy.
